ಅಂತಃಪುರ / Antahpura

ಸುಧಾದಲ್ಲಿ 'ಅಂತಃಪುರ' ಧಾರವಾಹಿ ಓದಿದಾಗ ನನಗೆ ಹೀಗನ್ನಿಸಿತು ....

ಕೊರೊನಾ ಸಂದರ್ಭ ಸೃಷ್ಟಿಸಿದ ಸಂಕಷ್ಟದ ಸನ್ನಿವೇಶದಿಂದ ಪ್ರಾರಂಭವಾದ ಕಾದಂಬರಿಯು ಮಲೆನಾಡ ಪರಿಸರದ ಹಿನ್ನಲೆಯಲ್ಲಿ, ವೈವಿಧ್ಯಮಯ ಮಾನವ ಒಳತೋಟಿಗಳನ್ನು ಓದುಗರ ಅಂತಃಕರಣ ಮಿಡುಯುತ್ತಲೇ ಪ್ರಸ್ತುತಪಡಿಸಿರುವ ರೀತಿ ವಿಶಿಷ್ಟವಾದುದು.

                                                                                                                                                                              ಕೆ.ಆರ್. ಉಮಾದೇವಿ ಉರಾಳ,ತೀರ್ಥಹಳ್ಳಿ

                                                                                                                                                                            -ಜಿ.ಮೃತ್ಯುಂಜಯ, ಬೆಂಗಳೂರು 

ಬಹುಶಃ ಇತ್ತೀಚಿನ ವರ್ಷಗಳಲ್ಲಿ ಬಂದ ಅತ್ಯಂತ ಹೃದಯಂಗಮ ಧಾರವಾಹಿ ಇದು. ಮಲೆನಾಡಿನ ಅದ್ಭುತ ಚಿತ್ರಣದೊಂದಿಗೆ ಮಾನವ ಸಹಜ ಆದರ್ಶಗಳು,ದೌರ್ಬಲ್ಯಗಳನ್ನು ಸಮರ್ಥವಾಗಿ ಚಿತ್ರಿಸಿದ್ದಾರೆ. ಜನರೇಷನ್ ಗ್ಯಾಪ್ ಬಗ್ಗೆ ಸರಳವಾಗಿ ಹೇಳಿದ್ದಾರೆ. ಅಂತ್ಯ ಮಾತ್ರ ಯಾವುದೇ ಸಿನಿಮಾದ ಕ್ಲೈಮ್ಯಾಕ್ಸ್ ಗಿಂತಲೂ ಹೆಚ್ಚು.

                                                                                                                                                                              -ಬಿಲ್ಲೇಶ್ವರ ಅಚ್ಚು, ಹುಂಚ 

ಹಿರಿಯ ಕಿರಿಯ ತಲೆಮಾರಿನ ಆಲೋಚನಾ ಲಹರಿ, ವರ್ತನೆಯಲ್ಲಿನ ವ್ಯತ್ಯಾಸವನ್ನು ಬಿಂಬಿಸುವುದರೊಂದಿಗೆ, ಇಂದಿನ ಸಮಾಜಕ್ಕೆ ಮಾದರಿಯಾಗುವಂತಹ ನಡೆಯೊಂದಿಗೆ ಧಾರಾವಾಹಿ ಸುಖಾಂತ್ಯವಾದುದನ್ನು ಕಂಡು ಸಮಾಧಾನವಾಯಿತು. ಮಲೆನಾಡಿನ ಭಾಷೆಯೊಂದಿಗೆ ಉತ್ತಮ ಧಾರಾವಾಹಿಯನ್ನು ನೀಡಿದ ಲೇಖಕಿಗೆ ಅಭಿನಂದನೆಗಳು.

                                                                                                                                                                                  -ಸತ್ಯವತಿ, ಕುಳಿಹಿತ್ಲು 

ಧಾರವಾಹಿ ಮುಗಿದಾಗ ನನ್ನ ಕಣ್ಣುಗಳು ಒದ್ದೆಯಾದವು. ಜೀವನದ ಸತ್ಯಗಳು,ಮನುಷ್ಯನ ಅರಿಷಡ್ವರ್ಗಗಳ ಪರಿಚಯ ಮಾಡಿಸುವ ಚಿತ್ರಣ ಇದಾಗಿದೆ.

                                                                                                                                                                            -ನಾಗರತ್ನ ಪಾಳ್ಯಮ್, ಮೈಸೂರು